Det ligg berre ute to bøker i serien, men eg reknar med det kjem fleire, og at eg kjem til å lese dei.
Bøkene handlar om ei framtidig dystopisk verd der ein som straff for illojalitet og opprør årleg arrangerer ein realitykonkurranse lder kvart distrikt vel ut to ungdomar som skal slåst for livet sitt.
Eg er ingen stor fan av fantasy, men Hunger Games er i tillegg sterk samfunnskritikk av den verda vi lever i no.
15. mai var ein inneklemd fredag. Veslejenta og Svigerson skulle på besøk for å sjå sin nye kvelp, og eg sa eg kunne passe Albert så lenge. Dei skulle reise tidleg på dag, og allereie klokka 10 henta eg Albert og gjekk tur med alle tre hundane. Når ein går frå parkeringsplassen nede ved bommen får ein ekstra trim, og denne dagen hadde eg rikeleg tid til å rusle opp bakken, rundt vatnet og ned att. Inkludert fotoshoot i enden av vatnet tok turen om lag to timar, så vi fekk rikeleg trim og frisk luft. Resten av dagen kosa vi oss heime med leik i hagen og kvile på verandaen og inne. Albert vart henta seint på kveld, og han skjøna lite av kva som hadde skjedd, trur eg. På måndag har han bursdag, og då får han ein liten bror i presang.
Eg syntest denne fargekombinasjonen var så fin, så eg strikka ein Riddarigenser til Svigerson då han fylte 30 i februar. Eg har berre gløymt å legge ut bilete tidlegare.
Denne helga hadde vi gledd oss til lenge! Vi var inviterte i bryllaup til Nevø 2, noko vi syntest var veldig spennande og høgtideleg. Eldstejenta bur i Oslo, men vi andre tok inn på Plaza. Bokfyken og eg køyrde nedover 30. april, slik at vi fekk feire 1. mai i byen. Det var ein nydeleg solskinsdag, og vi fekk kose oss med talar på Youngstorget og deretter tog, før vi enda opp på Aker Brygge saman med mine tre eldste og to svigerbarn. Minstemann skulle eigentleg på eit speleoppdrag, men enda opp med å vere hundevakt i staden, så eg slapp å bekymre meg for hundar på kennel.
Om kvelden åt vi middag på "Der Peppern gror" før vi for på musikk-quiz. Eg trur Bladfyken hadde høyrt ein av songane på quizen før, men med hjelp frå den yngre garde enda han opp med å vinne hovudpremien. Det var heldigvis ei flaske med bobler, så den kunne vi dele.
2. mai starta dagen med hotellfrukost, deretter henta Eldstejenta meg og tok meg med til frisør. På grunn av den skadde armen min har eg framleis problem med ein del trivielle gjeremål, så eg fekk frisøren til å vaske og føne håret mitt denne dagen. Det var verkeleg lurt, for frisyren vart bra utan noko stress.
Sjølve bryllaupet skjedde i Akershus slottskirke, og alt var vakkert og stemningsfullt. Sidan brudgommen er major, fekk bryllaupet eit militært preg, og det var så flott alt saman.
Sjølve festen heldt fram på den gamle Krigsskolen, der det vart nydeleg mat, flotte talar og sjølvsagt prating med slekta. Det var mykje program, blant anna kutting av kake med sverd/sabel og ein nydeleg innøvd dans (til musikk frå "Tre nøtter til Askepott").
Eg legg ikkje ut bilete av brudeparet sidan eg ikkje har spurt om samtykke, men eg måtte no få legge ut bilete av "Meg og mine fine". Vi hadde ei minnerik og fin helg saman, og bryllaupet var sjølvsagt høgdepunktet.
28. april vart gamlegutten 12 år. Han er framleis sprek og leiken, men i fjor sommar hadde han ein periode der han halta og verka støl i kroppen. Då trudde eg det leid mot slutten for han, men så kvikna han til då ferien var over. No går han lange turar, hoppar opp i sofaen og herjar med Dennis som før. Det er eg umåteleg takksam for, for eg vil gjerne behalde han lenge enno. Han er ein heilt spesiell fyr som eg er veldig glad i.
Denne dagen vart mamma ("Besta") og eg med Bladfyken på tur til Ålesund. Det er veldig kjekt at han har kjøpt seg ny bil, for då blir det ekstra kjekt å fare på tur. Vi køyrde først til museet på Borgund, der vi såg dei innandørs samlingane. Det er kjekt å sjå dei gamle båtane, synest eg, og no er det 12 år sidan sist eg var der. Eg hugsar det fordi eg såg ein kvelp og tenkte på at eg snart skulle få meg hund (Charlie).
Etterpå køyrde vi ut til sjølve byen, og høgdepunktet var bokstaveleg tala å kome opp og sjå utsikta frå Aksla.
På heimvegen stoppa vi på Peppes på Moa og åt pizza.
