Eg beundra eit sjal ein kollega (som har strikkebutikk) hadde på seg og fekk tilsendt ei lenke til Ravelry, der oppskrifta låg ute gratis. Garnet som er brukt er eit blandingsgarn som heiter Nordlys, som både finst i fleirfarga og einsfarga garn. Først strikka eg eitt i blåtonar til meg sjølv, med ein del feil og plunder, og det har eg ikkje strekt ut enno. Deretter strikka eg eitt i kvitt og rosatonar til mor mi, som har blitt så glad i rosa. Det tok litt tid før eg fekk ordna ein måte å få strekt ut sjalet på, men eg er nøgd med resultatet. I dag fekk ho sjalet som gåve, og ho vart noko overraska over at EG hadde greidd noko slikt. Eg vart i grunnen overraska sjølv òg.
Ingen kommentarer:
Legg inn en kommentar