Indiana Jones på nye eventyr

I dag var det litt vanskeleg å få med seg Minstemann ut på tur, så vi gjekk heller tur ut på tunet og vaska bil. Det hadde han nemleg lyst til. Gamla kommanderte poden av stad for å ta på seg uteklede (sjølv stilte ho i Felleskjøp-dressen sin), og han kom att som Indiana Jones. Arbeidsfordelinga var klar: Indiana spylte og song kjenningsmelodien til Indiana Jones-filmane, medan Gamla gjekk etter med såpevatnet. Til slutt spylte han vekk såpa, og då vart det litt for freistande å sende av garde nokre strålar mot mora òg. Første to gongane trudde eg han då han sa det var eit uhell...