Sensur og sein tur

Måndag sensurerte eg ti eksamenssvar rett etter arbeidstid, så no er eg oppe i 70 ferdigsensurerte, noko som utgjer 35 % av den totale mengda på 200 svar. Dette feira eg med å ta fri resten av kvelden og gå ein lang tur frå Langedalsbrua i Bjørkedalen, langs vatna og over fylkesgrensa til Sogn og fjordane. Det er flatt og greitt å gå på grusveg, noko som høvde godt i og med at eg eigentleg var ganske sliten frå før. Sensur er hardt for kropp og hovud, men stress er verre. For meg er hardt arbeid den beste kuren mot stress.