I dag var det eitt år sidan pappa døydde. Eg hadde ikkje sett gravsteinen enno, så då høvde det godt å ta ein tur bortom grava saman med alle fire ungane. Det var ein fin stein, men eg sakna dei to fuglane eg meinte skulle ha stått oppå steinen. Seinare på dag samtala vi om dette rundt bordet på Hareid, og vi kom fram til at fuglane har forsvunne frå steinen ein gong i perioden desember-februar. Det heile er eit mysterium.
Hareidsgjengen hadde invitert oss på middag, og vi fekk servert nydeleg julemiddag (pinnekjøt m.m.) og dessert. Kakene hadde gjestane med, slik tradisjonen er i slekta. Alle fire borna og eitt av svigerborna på Hareid var til stades, så vi var uvanleg mange til bords denne dagen.
Tusen takk til vertskapet for ein kjekk dag med nydeleg mat og hyggeleg prat!
Ingen kommentarer:
Legg inn en kommentar