Laurdag 17. oktober var ikkje ein spesielt vakker dag, så vi ville ikkje på langtur eller gå på sleipe stiar. Vi enda opp med å gå ein grusveg som går innom fleire setrar, innanfor skisenteret i Hornindal. Det er ein partikollega som har tipsa meg om det som i utgangspunktet er ein tur å 4,5km, men som vi forlenga ved å gå inn i sidevegar til mellom anna Storesetra og forbi Hjortedalsetra og oppover vegen der. Vi bruker ofte slike dagar til å rekognosere for seinare turar, for på ein fineversdag er det fint å ta ein lang tur og setje seg ned. Denne dagen måtte vi gå for å halde varmen. ein annan gong kan vi køyre lenger inn setrevegen og gå i ein av sidedalane.
Ingen kommentarer:
Legg inn en kommentar