torsdag 27. november 2008

Siste julefest i barnehagen







Minstemann går siste året i barnehagen, og i kveld var det julefest med dramatisering av "Rødhette" og song av "Nede isen" og diverse julesongar. Minstemann var ein dyktig jeger som berga Rødhette og bestemora ut av magen på ulven, han svinga rundt i dans med diverse jenter og fekk vere nissen som delte ut godteposar til borna. Han var kjempeflink! Gamla hadde trudd at dei tre eldste ville verte heime i år, men då alternativet var å vaske romma sine, vart dei to midterste med på festen i staden. Der var fleire på deira alder, så det er tydeleg at god mat, brus og herjing i gymsalen enno har ein viss appell.

1 kommentar:

  1. Minstemann er litt av ein sjarmør som alt har draget på damene, ser det ut til.Kjekt så lenge ungane vil vere med foreldra på diverse tilstellingar. Frivillig! I dag såg vi frå 1975 på TV-året då Flåklypa Grand Prix kom. Det har vore ein del diskusjon om kva år vi såg den.Det var også året for Bohemian Rhapsody-the greatest song ever made!Og det store KVINNEÅRET.

    SvarSlett