Jula er ute - men kva skal inn?

I går fekk eg eit uventa problem då eg kom heim frå jobb. Jordfeilbrytaren hadde kopla ut straumen, og då eg slo på att, gjekk det ei lita stund før huset var mørklagt att. Eg hadde ein teori om at det måtte vere utelysa som var årsaka, og dette viste seg å stemme. Utan utelys vart det freistande å kaste ut ein del av julepynten, og i dag fekk eg ut alt som minner om jul i andre etasje av heimen. Det store spørsmålet no er: kva erstattar ein jula med? Her vart så tomt og fargelaust - og verst av alt var at her vart mørkt.

Må ein på interiørshopping?

Eg kunne ha tenkt meg ein lampe, eit par nye puter, nye lys, blomar og diverse anna som kan gi lys og farge i livet.