Presentasjon og pytontur

I dag stod vi tidleg opp fordi Storegut skulle på fotballkamp, medan vi andre skulle i kyrkja der det var presentasjon av dei nye konfirmantane. Veslejenta er ei av åtte som skal konfirmerast i den lokale kyrkja, og vi fekk vere med på både gudsteneste og kyrkjekaffi før vi for heim og såg "Stjernekamp" på tv medan vi åt restemiddag med restar av laurdagsgodt som dessert.

Etter middag hadde regnet gitt seg litt, så vi gjekk oss ein tur i Mjeltvika med hunden. Undervegs vart vi overraska av torevêr og styrtregn, så det var ekstra godt å kome heim, fyre i omnen og få på seg tørre klede.