fredag 9. mai 2014

Bok 38 2014: "Reykjaviknetter" av Arnaldur Indridason

I denne romanen møter vi ein ung og nyutdanna Erlendur, som fattar mistanke om at det er noko mistenkjeleg ved dødsfallet til ein alkoholisert uteliggar. Vi får vite mykje om fortida til uteliggaren, og her er eit rikt persongalleri og fleire brotsverk som vert oppklara undervegs.

Boka er interessant og lettlesen, men som i så mange andre kriminalromanar vert det noko langdrygt og overforklart etter min smak. Det mest positive er at det er kjekt å lese om livet på Island. Erlendur er konservativ og oppteken av det nasjonale, så lesaren får eit visst innblikk i islandsk kultur. Lydboka er glitrande innlesen av Lasse Lindtner, med ulike stemmer for kvar person.

2 kommentarer:

  1. Det var som eg skulle ha sagt det sjølv. Men eg likar i grunnen enda betre den aldrande Erlendur, med sine gammalmodige betraktningar.

    SvarSlett
  2. Er boka ny?
    LL løftar bøker!

    SvarSlett