Søndag på Sagesetra

Dagen starta med kakepynting og -levering, før ungane og eg tok vår nye kombo: lærekøyring og tur. Turmålet var Sagesetra, og Storegut fekk øve seg litt på rygging og parkering, i tillegg til å køyre fram og heim. Til middag laga vi nachos med restar frå gårsdagens tacos, og så hadde eg baka ein ekstra Pavlova-botn og løyvd både krem og bær såpass vi fekk dessert òg. Sola skin, men det er kaldt. Perfekt vêr for konfirmasjon og bunad, tenkjer eg!