Straumshamn 17. mai 2013

Feiringa av nasjonaldagen tok til med gudsteneste i Kilsfjord kyrkje. Svein Prest er noko for seg sjølv nr det gjeld å gjere gudstenestene minneverdige, og i dag var høgdepunktet då han fortalde om den paradisiske hagen dei hadde hatt i Hardanger. Eitt av epletrea bar fantastisk gode eple, og ein dag kom den muslimske naboguten Ali og spurte Svein Prest om det var sant som prestesonen sa, at treet bar svine-eple?

Etter det obligatoriske toget var det tid for feiring på grendahuset. Der vart servert nydeleg brennsnut, noko som hadde vore svært kjærkome viss det ikkje hadde vore for 18 varmegrader ute og kanskje det doble inne.

Ungane og eg reiste til Volda og fekk så vidt med oss folketoget, tale for dagen og russetalane.

Både Eldstejenta og Storegut hadde planar for kvelden, men dei to små og eg kosar oss no med relativt rolege aktivitetar i heimen.