Folkestadsetra

I dag fekk eg med meg Eldstejenta og Charlie hund på tur til Folkestadsetra, der eg òg gjekk tur førre måndag. Denne gongen parkerte vi nedanfor bommen, og turen vart dermed ein god del lengre enn elles. Vi brukte faktisk 2 1/2 time til saman, men då stogga vi litt for å ta bilete og gjekk heller ikkje særleg fort, sidan vi hadde mykje å prate om. På slutten fekk vi ei regnbyge over oss så vi vart gjennomblaute til vi kom heim att, men det tok vi med relativt godt humør.

I bloggande stund har eg fått ein lasagne inn i steikomnen, medan Eldstejenta har sett seg føre med matematikkbøkene. Storegut les òg til eksamen, medan dei to yngste har hatt ein roleg fridag.