Når eg ikkje har konkrete planar for ein laurdag, vert eg ofte sitjande og tenkje over kva eg skal gjere først og sist. I går var det fint vêr på morgonen, og eg tenkte på å gå ein lang tur. Det var òg nokre ærend eg ville utrette, og huset såg ikkje ut. Det enda med at eg vaska huset først, i tillegg til at eg fekk rydda ut påskepynten for denne gong. Deretter gjekk eg meg ein mellomlang tur til Mjeltvika med hundane, og så fekk dei vente på at eg reiste til Eid for å handle mat. Dei andre shoppingærenda mine får vente til neste helg, då eg har betre tid. Sidan det er basar i dag, heiv eg ihop ei kake, og når Veslejenta kom frå jobb, laga vi ein enkel tacomiddag før vi kosa oss framfor tv-en med ein av favorittseriane.
Ingen kommentarer:
Legg inn en kommentar