lørdag 17. desember 2011

17. desember: Winter Wonderland


Etter ein lang og sein frokost tok eg med dei tre yngste og hundane på ein tur i skogsvegen. Det var berre vanleg overskya då vi begynte å gå, men medan vi var i skogen begynte det å snø ganske kraftig. Å vere i granskog medan det snør kan gi fin julestemning, men snøen var så våt at vi vart meir opptekne av å kome oss heim og tørke enn av å kose oss med julestemning. Noko tid vart det uansett til gøyme-og-leite med hundane i "Trollskogen" og ein aldri så liten snøballkrig.

Resten av ettermiddagen har vi brukt til hus- og klesvask, rydding og anna husarbeid. Eg har heldigvis nokre feriedagar før julaftan, så det er ikkje så mykje stress med julegåveshopping før ut i veka. Vi høyrer julemusikk og tek livet ganske roleg - enn så lenge.

1 kommentar:

  1. Eg og set min lit til dei tre fridagane før julaftan! ...

    SvarSlett