Høgtlesing av "Snødronningen"

Siste kveldane har eg lese "Snødronningen" på senga til dei to yngste. Og til katten LOL(a). Vi førebur oss til ballettshowet neste helg, og eventyret er både langt og komplisert. Minstemann har somna relativt kjapt, noko eg fryktar kjem til å skje på ballettshowet òg, men Veslejenta og LOL(a) har lytta ivrig.

Tidlegare omsette eg alltid til dialekt på direkten medan eg las til borna, men no har eg gått over til å lese språket slik det står der, og heller forklart vanskelege ord. Som ekte lærarborn plar dei rette opp handa dersom det er noko dei ikkje skjønar i teksten.