3. desember: politikk

Måndag møttest dei tre som er nominerte og kumulerte på toppen av partilista til kommunevalet til hausten, og ei av dei er eg. Eg har ein mistanke om at eg er kjønnskvotert inn, men eg er i alle fall så langt oppe på lista at eg òg kan seie det tel som fornya tillit frå partiet.

Om kvelden var det møte i Ørsta, arrangert av "Kvinner opp og fram". Det som først var annonsert som eit møte for å få kvinner inn på politiske lister, vart til eit møte for alle - både politikarar og andre. Møtet var kjekt det, og det er no alltid interessant å møte nye folk, men eg hadde eigentleg budd meg på ei anna vinkling enn det vart.