I denne sjette boka om Avdeling Q kjem Carl Mørck og kollegaen Assad opp i dramatiske hendingar knytt til ei hippierørsle. Det heile begynner med at Carl er litt avvisande i telefonen, og at den han avviser kort etter tek livet av seg. Hendingane finn mellom anna stad på Bornholm, og vi møter mange interessante karakterar og lagnader som vert og har blitt fletta inn i kvarandre på ein spennande og gjennomført måte.
Helge Winther-Larsen les bøkene av Adler Olsen svært godt, spesielt gir han Assad og Carl liv. Eg kjem aldri til å lese desse bøkene som anna enn lydbøker. Det er god krim med ein humoristisk undertone, og språket er kanskje det eg likar aller best - ikkje minst Assads kamelordspråk eller mistydde metaforar.
Ingen kommentarer:
Legg inn en kommentar