Denne bokserien har eg hatt lyst til å lese i fleire år, men det har ikkje blitt. No fann eg den ferdig innlesen på Storytel, på engelsk, av Stephen Fry, og det vart tre gode grunnar til å lese den. Sjangeren er ikkje heilt lett å definere, men ein kan skildre det som ei blanding av science fiction og samfunnssatire. Handlinga er heilsprø, og omhandlar blant anna jordas undergang. Ein møter òg ein robot prototype som skulle bli gjeven menneskelege eigenskapar, og som enda opp som manisk-depressiv. Innlesaren er fantastisk, noko som løftar leseopplevinga mykje. Dette er ikkje ein sjanger eg ville ha orka mykje av på eiga hand, men det er ei kultbok som eg synest eg bør ha fått med meg.
Ingen kommentarer:
Legg inn en kommentar