Ein gong Delawaregenseren var på tilbod som strikkepakke, greidde eg ikkje å velje mellom den raude og den blå varianten, så eg kjøpte begge. Den raude har eg laga ferdig for lenge sidan, og den vart både fin og passeleg tynn. Eg har brukt den mykje. No har eg strikka ferdig den blå varianten òg. Den er meir tradisjonell i fargane, og eg likar den ikkje så godt som den raude, men eg kjem nok til å bruke den òg mykje.
Om desse strikkepakkane vil eg seie at oppskriftene er heilt ok, men garnet er frykteleg tynt. Pinnane er 2,5 og 3, og eg burde sikkert ha bytta til eit nummer mindre for å få genseren fastare i fisken. Eg trivst best med pinnar 3,5-4,5, for dette tok tid! Eg trur ikkje garnet hadde så god kvalitet heller. Men billeg var det.
Ingen kommentarer:
Legg inn en kommentar