tirsdag 11. desember 2018

11. desember: politikk, jobb....

I dag var det møte i forvaltingsutvalet, noko som gjekk relativt roleg føre seg. Eg rakk å ha eit par undervisningstimar først.

Vel heime laga eg middag og kvilte meg litt, men så vart det full fres med kommentarar og karakterar til den eine bunken i internasjonal engelsk. Eg vart ferdig med korrekturlesinga på søndag, men det stod att nokre timars arbeid likevel. Den siste bunken utset eg til i morgon kveld, eller ein annan dag. Det begynner å minke på kreftene, og eg skal trass alt på budsjettmøte torsdag og treng hjernekapasiteten min til det òg.

Minstemann var på korpsøving i dag, og då passa det godt at eg jobba. Eg trivst godt med å kunne styre mi eiga arbeidstid, og målet er å vere rettefri i jula.

Elles kom katten ut av sekken i dag i og med at vi endeleg fekk på trykk biletet frå førre måndag, der vi presenterte partiets "Tre på topp"-liste. Eg visste om det allereie i går, då eg såg eavisa på nett, men det er tydelegvis mange som har sett papirutgåva i dag.

3 kommentarer:

  1. Du er ei grepa taus, Margrete!

    SvarSlett
    Svar
    1. Tusen takk, du er ikkje så verst du heller :)

      Slett
    2. Denne kommentaren har blitt fjernet av forfatteren.

      Slett