Der er dei som synest eg er "litt i overkant". Mi nye "greie" er at eg går rundt med to (2) skritt-teljarar. Den gamle slutta å virke då den datt i golvet sist helg, og allereie måndag kjøpte eg meg ein ny av same sort. Det viste seg fort at den nye underrapporterer, så eg kan gå tur i ein time uten at den viser meir enn 79 talde skritt. Irritasjonen var sjølvsagt stor då eg oppdaga dette, og gleda var desto større då den gamle plutseleg begynte å virke igjen, i alle fall mesteparten av tida. No går eg altså rundt med dei begge to; ein gammal som viser rett tal skritt men som kan slutte å virke kva tid som helst, og ein ny som eigentleg berre er til irritasjon.
Søndagen har gått med til teljing av skritt medan eg høyrde på lydbok, retting av Ibsen-stilar og til slutt familiemiddag med raspeball på menyen. Etter det vart det ei lita middagskvild, men no stikk eg nasen ned i stilbunken att.
Been there, done that. Må berre minne om dei to skritteljarane eg leverte attende fordi dei ikkje talde skritt. No har eg vore utan ei stund sidan den eg kjøpte i Örebro klikka.
SvarSlettForstår ikkje vitsen med dei skritt-teljarane.Sjukt! Dokke veit no kor langt dokke går-og dokke går langt NOK.
SvarSlettMotivasjon kan vere så mangt. Då den gamle skritt-teljaren vart øydelagd, trimma eg faktisk ikkje i det heile, men låg på sofaen ein heil kveld...
SvarSlett