Det er berre å innrømme det: eg har høgdeskrekk. Derfor imponerte det både meg og reisevenninnene at eg gjekk like opp i Whispering Gallery laurdag - og vidare opp til Stone Gallery, som er det midterste, utvendige galleriet, 378 trappetrinn over bakken. Eg torde til og med å nyte utsikta over London derifrå. Vi var svært heldige med veret - på TV kalla dei det "unseasonable sunshine" - og utsikta vart dermed spektakulær. Dessverre hadde vi ikkje med oss kart opp, så vi er ikkje heilt sikre på kva vi har sett. Noko vi definitivt ikkje har sett, er brannen i Camden. DET ville vi nok ha hugsa. Faktisk høyrde vi ikkje noko om brann før nokon i Noreg sende ei tekstmelding søndag føremiddag.
Ingen kommentarer:
Legg inn en kommentar