Så å seie snøfritt på parkeringsplassen

Jammen vart det tid til å gå i skogen i dag òg - denne gongen med nummer 2 og hundane. I går var han og naboguten (sjå anna innlegg) med meg på tur - dei på rulleskøyter og eg på beina. Aktivisering av barn er mi nye storsatsing, sjølv om trampolinen syter for ein del meir mosjon enn det eg har å by på. Nede i bygda att møtte guten ein klassekamerat, og dei begynte å stupe kråke nedover ei bratt mark. Der melde eg pass. På biletet ser vi Keipen i bakgrunnen - eit fjell eg ein gong skal greie å nå toppen på (ser du det frå Bjørkedalen, ser det frykteleg skummelt ut!).