Bok 41 2015: "Tyvenes gate" av Mathias Énard

Dette er den første boka av den franske forfattaren som har kome ut på norsk. Den norske utgåva kom i år, men boka vart publisert på fransk i 2012. Handlinga er lagd til åra like før boka kom ut, så det må seiast å vere ein samtidsroman, som syner som bakteppe "den arabiske våren" og eit kriseramma Europa.

Eg-personen vert utstøytt frå familien då han vert teken på fersken i ein upassande situasjon saman med kusina si. Etter dette reiser han rundt i Marokko, opplever mykje problematisk og også noko positivt, før han kjem seg over grensa til Spania og til Barcelona. Vi følgjer altså det vesle mennesket si historie i den store historia, noko eg ofte synest er interessant og lærerikt. Denne boka er ikkje noko unntak, og den har vore lett og rask å lese.