Gamla i ungdomslaget

I kveld hadde vi årsmøte i det lokale ungdomslaget, og eg vart attvald som styremedlem. Kanskje er eg noko for gammal, med mine 42 1/2 år, men ved nærare ettertanke er eg det perfekte styremedlem. Eg disponerer bil, har røynsle frå lagsarbeid, kan ause ut livsvisdom, likar å arrangere og planlegge, likar at born og unge har det kjekt og kan bake kake til basar. Eit ungdomslagsstyre treng ikkje vere ungdomar - dersom dei vil arbeide FOR ungdomane må det halde i massevis. Dessutan er der ei som er enda eldre, så ho må vrakast først (om eg ikkje er ungdommeleg, er eg i alle fall utruleg barnsleg).