Klar for påske

Eg likar påskepynt betre enn julepynt. Høner, egg, harar og klåre fargar som gult, grønt og lilla - det kan eg like. Medan Eldstejenta og venninnene dansa fredag, handla eg inn litt ny påskepynt. Då eg kom heim, hadde Pelle vore der og hengt ein pose på døra. I den låg eit velfylt påskeegg og eit kort der han takka for pass.

I kveld har eg tørka støv og sett utover noko påskepynt. Det er fint med helg, og finast av alt er første helga i ein ferie, når ein framleis har mange fridagar til gode.