Når meldingane er tvilsame, må ein nytte høvet når det byd seg. I dag låg skodda graut-tjukk i låglandet, men på fjellet strålte sola frå skyfri himmel. Dei to eldste og eg gjekk inn til Movatnet, medan dei tre andre kom
seg så langt som til Sagesetra, der dei venta med grill og kakao. Minstemann har sin første sesong utanfor pulken, og på slutten av dagen var han blitt skikkeleg ivrig og flink. Nummer 3 går berre under namnet "Lilla söta fröken fräken" - ho fekk eit nydeleg dryss over nasen i dag i den steikande sola.Vi møtte forresten ei hyggeleg dame på turen som fortalde at ho les bloggen - derfor helsar vi spesielt til henne i dette innlegget.
Tenkte meg nok at de var på Stigedalen i dag. Sa det forresten til H og R då dei var her og henta fisk. Nils påstår at det var skodde på sjøen då han kom ut i 8-tida. Då eg stod opp, litt seinare enn han, var her sol frå skyfri himmel, og det var det til langt på ettermiddagen.
SvarSlettHavskodde med andre ord! Her var det skodde til ca eitt. Etter middag sat vi ein time på altanen og sola oss.
SvarSlett