Tur i fjøra, og til naboen.

I dag var det overskya, men utan nedbør. Minstemann og eg gjekk tur ned i fjøresteinane for å sjå etter haustteikn, fine steinar og skjel.

Veslejenta og venninna sykla til Folkestad for å gå på butikken, og etter kvart leika alle ungane fint ilag borte hos nabo T, medan vi mødrene prata og drakk kaffi. Gutane snekra monstertruck og jentene spikka - målet deira var først å lage sagmask til kaninburet, deretter å lage ein "Knerten". Ingen av produkta vart ferdige, men dei hadde det kjekt.