Herøyspelet "Kongens ring"

Vêrgudane var med oss i dag då vi tok turen til Herøy gard for å sjå spelet "Kongens ring", som i år vart sett opp for 19. år på rad. Vi hadde med niste i sekken, og i følgjet var også tre generasjonar med naboar, som heller aldri hadde fått med seg denne hendinga. Spelet var profesjonelt sett opp, med fleire kjende fjes i rollene, og vi kosa oss skikkeleg, der vi sat på første og andre rad.

Etter at spelet var slutt, tok vi oss tid til is og rømmegraut ved hovudbygningen.

Eit lite tips. det vert sett opp både bussar og båtar for å skysse folk inn til området. Vi parkerte ved Stokksund skule, og der var god plass og lett å manøvrere. Det vi absolutt burde ha gjort, var å kjøre til ei kai og teke båtskyss. Det skal vi gjere neste år.

Det vart ein triveleg sommardag med skikkeleg feriekjensle for store og små. Gjev vi får mange slike!