Festivolda

Den festlege overskrifta viser til ei kultursatsing som akkurat pågår i kommunen. Sist fredag fekk eg sjå teater som del av denne satsinga, og i dag var nummer 2 og eg på kyrkjekonsert med elevar frå kulturskulen. Mange flinke barn deltok på diverse instrument og song, og no er nummer 2 blitt så stor at han slepp å bruke foten for å få heilt ut "handtaket" på trombonen. Det er ikkje så lenge sidan eit ambisiøst prosjekt med kulturhus- og hotellbygging vart stogga i kommunen, men kultur har vi. Enn så lenge.