Tiddelibom og huttemegtu

Det snør. Masse. Seint i går kveld vurderte eg å gå ut og moke ein siste gong før eg tok kveld, men så tenkte eg at det kunne kome brøytebil i løpet av natta og lage nye kantar. I dag tidleg gav eg ungane strenge og bestemte meldingar om kva dei skulle gjere før bussen kom, og så drog eg på meg Felleskjøp-dress og gjekk for å moke bak bilen. Heldigvis kom ein engel i traktor og skrapa vekk det grøvste. Etter middag var det på ny tid for moking. 9000 skritt har eg gått med snøskuffa i dag! Nummer 3 hjalp til med å grave vekk snø frå under og rundt bilen, medan Minstemann sluntra unna. "Kar du skal," sa den snusfornuftige, og broren svara: "ej skulle berre sta og ta mej en røyk."