Aktiv fri-onsdag

Fri-onsdagen denne veka starta med rim på markane, men nydeleg sol. Nummer 3 fekk starte rulleskøyte-sesongen i går, og i dag vart det meir av det slaget. Dei to yngste leika mykje med naboungane, og eitt av prosjekta var å bygge ein buss av plankebitar. Nummer 2 reiste til Ørsta på hip-hop om ettermiddagen, og i kveldinga er både han og systera på fotballtrening ute.

Noko av det beste med finevêret er at det blir mykje uteliv. No håpar eg det blir fint og varmt snart, så det blir mogleg å sitje ute med rettingsarbeidet også.