Eg har vore på tokt på Systa sin blogg og stole dette biletet frå konfirmasjonen på laurdag. Dei fleste som er innom bloggen min er òg innom resten av familiebloggane, men eg legg ut biletet i tilfelle eg har nokre heilt eigne lesarar. Frå venstre ser de Tanta mi, altså systera til pappa, som også er gudmora mi. Ho bur i Gulen, og det er dottera hennar som sydde bunaden til Eldstejenta i fjor. Eg trur dei var saman om å sy bunadene som Systa og eg fekk til konfirmasjonane våre i 1978 og 1983. Vidare på biletet ser de Systa, Gamla og Eldstejenta - vi tre er fødde og oppvaksne på Sunnmøre, men i bunadsvegen erklærer vi oss altså som sogningar.Eg er glad i å gå i bunad, men det er ikkje alle år den har site like fint på. Av prinsipp er nemleg bunaden min ikkje sydd eit sting på sidan konfirmasjonen, sjølv om det somme år har vore vanskeleg å få att beltet. Eg investerte derimot i ny skjorte eit år, og Eldstejenta har no arva gamleskjorta.
Eg sydde ut min sjølv og kjøpte meg sølvbelte då Audun skulle konfirmerast. Eg var lei av å ikkje kunne ete meg mett på høgtidsdagar.
SvarSlettFør det hadde tanta sydd den ut til din konfirmasjon.
Eg var sikkert litt rund som konfirmant. Veldig praktisk!
SvarSlettTrur heller det var eg som var tynn då og no har fått noko rundt magen...
SvarSlettJa, du er no nesten smellfeit :)
SvarSlett:-O
SvarSlett