Som avslutning på ei relativt hektisk ranglehelg var det i dag fotball frå tidleg morgon til ut på kvelden for dei to eldste. Gubben reiste etter kvart til Volda han òg, der han etter ei stund vart plassert i grillområdet for å lage mat. Eldstejenta sitt lag tapte finalen mot resten av jentelaget (93/94-jentene var delt i to lag) medan laget til Nummer 2 tapte rubbel og bit. Dei slit mellom anna med at dei går for å vere eit 95-lag, sjølv om Nummer 2 og kompisane er fødde i 97. Bileta viser våre håpefulle i full aksjon på banen, i tillegg til eit lagbilete av alle Voldajentene.
Det siste biletet er teke i Brundalen, der eg gjekk tur etter at dei andre kom heim. Småungane og eg har hatt ein fredeleg dag med mykje roleg leik og lite effektiv jobbing.
Her går det mest i eksamen for tida. A var oppe fredag, og skal opp måndag og onsdag. Tysdag er E sin eksamensdag. Mykje fotball betyr mykje jobbing for han. Han veit i alle fall kva han går til om han vert sportjournalist. Det er helgejobb!
SvarSlettElle er det vel knapt heile veker att på jobb. Onsdag er tentamen for 9.
Det ser i alle fall ikkje ut til å vere noko i vegen med innsatsen til nokon av dei.Litt finare ver her aust enn heime, ser eg, men det skya til her også utover dagen.
SvarSlett