mandag 3. januar 2011

Bok 1 2011: "Min kamp 4" av Karl Ove Knausgård

Mitt første fullførte leseprosjekt i det nye året vart nummer 4 i serien om ein manns liv. I detalj får vi presentert små og store hendingar i livet til Karl Ove Knausgård, og denne gongen handlar det mest om perioden 1987 - 88. Tematikken er nokså einspora; det handlar mest om alkohol og sex. Det interessante ligg etter mitt syn mykje i den spenninga som finst mellom farens gryande alkoholisme og hans eige aukande alkoholforbruk. Ein møter òg ein gryande forfattar som reiser til Nord-Noreg for å arbeide som lærar og legge opp pengar til komande prosjekt, samtidig som han prøver å skrive noko som kan bli publisert.

Ein irriterer seg meir over denne Knausgård enn den ein møtte særleg i bok 1 og 3, men ein kjenner seg òg att ungdomens sjølvsentrering. Eg har ikkje gått lei enno.
Lagt inn av kl.
Etiketter:

4 kommentarer:

  1. Besta3. januar 2011 kl. 22:39

    Når eg ikkje likte så godt nr.4 og 5 trur eg det kjem mest av at eg ikkje likte så godt den personen Karl Ove utvikla seg til å bli i desse åra. Ein kan undrast over at han greier å utlevere seg sjølv som ein slik nærmast usympatisk person.Og eg undrar meg i alle bøkene over at mora, som han har så god kontakt med, ikkje har meir "sryring" på han.

    SvarSlett
  2. arieldog4. januar 2011 kl. 00:10

    Eg las ein stad at han var blitt lei av seg sjølv, og det skjønar eg godt. Uansett hugsar han veldig godt!

    SvarSlett
  3. solveig6. januar 2011 kl. 10:41

    Eg har begynt på den første no!

    SvarSlett
  4. arieldog6. januar 2011 kl. 11:11

    Velkomen etter, Solveig! Er spent på om du blir like begeistra som "Besta" og meg!

    SvarSlett

Abonner på: Legg inn kommentarer (Atom)